Rolau:

• Y Swyddog Gweithredol dros Ymgyrchoedd a Chyfathrebu
• Aelod o'r Bwrdd
• Aelod o'r Pwyllgor Ymgyrchoedd a Chyfathrebu (Cadeirydd)

Plaid leol:

• Brycheiniog a Maesyfed

Cyfrifoldebau'r Swyddog Gweithredol dros Ymgyrchoedd a Chyfathrebu:

1. Cadeirio cyfarfodydd y Pwyllgor Ymgyrchoedd a Chyfathrebu a gwneud yn siŵr bod y pwyllgor yn gweithredu’n briodol;
2. Bod yn bennaf gyfrifol am gyflawni dyletswyddau'r pwyllgor hwn;
3. Adrodd yn ôl mewn modd amserol am ei weithgareddau, a rhai'r pwyllgor y mae’n gadeirydd arno, yn ogystal ag adrodd yn ôl i aelodau'r Bwrdd ar ôl pob cyfarfod pwyllgor, a'r Gynhadledd yn flynyddol;
4. Gwneud yn siŵr bod aelodau’r pwyllgor y mae’n gadeirydd arno, ac unrhyw weithgorau a sefydlwyd gan y pwyllgor hwn, yn cael gwybod am unrhyw benderfyniadau perthnasol a wneir gan y Bwrdd neu Bwyllgorau eraill;
5. Cyfrannu'n llawn at bennu strategaeth y blaid ar lefel y Bwrdd, yn enwedig o ran eu dyletswyddau penodol eu hunain;
6. Gwneud yn siŵr bod anghenion cymunedau amrywiol yn cael eu hystyried a bod camau’n cael eu cymryd ar sail hynny yn eu holl waith;
7. Gweithio gyda'r Llywydd, Swyddogion Gweithredol eraill, aelodau'r Bwrdd, cynrychiolwyr etholedig ac aelodau'r blaid er budd yr hyn sydd orau i'r blaid;
8. Bod yn ddeiliad cyllideb ar gyfer gweithgareddau ei bwyllgor, a sicrhau cydymffurfiaeth ag unrhyw weithdrefnau ariannol a roddir ar waith gan y Pwyllgor Cyllid ac Adnoddau;
9. Cyflawni swyddogaethau eraill a ddyrennir iddo gan y Gynhadledd neu'r Cyfansoddiad.

Cewch ragor o fanylion yng nghyfansoddiad y blaid