Rhagor am Alistair

Ymunodd Alistair â'r Blaid Ryddfrydol ym 1984. Bu'n Gynghorydd ar Gyngor Bwrdeistref Cheltenham rhwng 1986 a 1998 ac yn Gynghorydd ar Gyngor Swydd Gaerloyw rhwng 2000 a 2005. Mae hefyd wedi bod yn ymgeisydd yn etholiadau’r Senedd, San Steffan, a Senedd Ewrop.

Etholwyd Alistair yn Gynghorydd dros Cilgeti a Begelly ar Gyngor Sir Benfro yn 2022. Alistair yw Cadeirydd Democratiaid Rhyddfrydol Sir Benfro a Chymdeithas Cynghorwyr Democratiaid Rhyddfrydol (ALDC) Cymru.

Mae Alistair wedi gweithio ym maes Adnoddau Dynol ac fel athro mewn coleg addysg bellach. Ar hyn o bryd mae'n llywodraethwr i ysgol gynradd ac ysgol uwchradd yn Sir Benfro.